Mariinsky Ballet ．Don Quixote VI

最後一篇關於Kirov:

Kirov今次到訪香港
某程度都幾唔尊重大會
好既dancer,Kirov有好多好多

不過今次沒有隨團到港,Principal Dancer 只有兩個

其他留在St.Petersburg既人,足夠可以演Giselle,Beauty In Motion,Chopiniana. Le Spectre de la rose. The Swan. Petrushka (想不到petrushka仲係2月先Premiere)

相信要睇最強的casting,都應該要去到St.Petersburg.

又或者睇下Kirov幾時去London
好想再睇到Karen Ioannisyan!!!!好型!!!!


第一次睇Don Quixote的朋友睇完之後覺得好好睇
因為係一套好開心既芭蕾舞
有齊一d 芭蕾舞好睇既原素:音樂,character dance,佈景,costume,
如果要再睇ballet
我會suggest睇一d開心,輕鬆既,如
Le Corsaire,
Nutcracker,
La Fille Mal Gardee
經典之中既經典,如swan lake,sleeping beauty,
等他日真係鐘意睇芭蕾舞先可以再睇
 modern ballet呢....可免則免
曾經睇過一個法國黎既芭蕾舞團
佢地演出一個芭蕾舞進化歷史既舞
結果進化到modern ballet時.....我就已經訓左.........
另一次睇到訓既,係有一年去London探msJ
睇左旅程惟一一場Royal ballet,果次又係訓到沒完沒了............

關於是次既觀眾....感受最深既係大陸人既入侵
幾乎每晚都有大陸人坐響附近
要知道......其實訂票日期係2009年10月
但已經有大量既票係比佢地訂了
我唔係想歧視大陸人,但睇表演既基本禮儀,文化中心真係應該諗下辦法改善,而唔係狂捉人影相囉,好快文化中心既觀眾應該係著人字拖短褲入去睇表演
基本禮儀包括:
1.唔駛著晚裝,但乾淨整齊都係最基本
2.袋入面唔好有沙沙膠袋,好嘈
3.節目進行期間,唔好傾計,傾電話,講walking talkie -_-
4.熄電話/震機
5.同男朋友/老公幾咁痴纏都好....返去先挨佢個膊頭,因為你地會阻住坐你地後面既觀眾
6.唔好食野,因為糖紙聲/膠袋聲真係會騷擾到人
7.適當時候比d掌聲表演者,觀眾的支持和鼓勵對表演者很重要,如果睇classical既音樂會,如果音樂有3個樂章,完哂3個先鼓掌,
8.喉嚨唔舒服請睇醫生, 同埋.....中場休息唔好食雪糕
9,最最基本:準時入場

今日上左灣仔另一位老師既堂,佢響芭蕾舞團跳舞既年代,應該係我已經放棄左睇果個團
但見有好多朋友仔都佢既評語都好好,所以試下佢既堂
結果係好辛苦!!!!
從來沒有將動作如此detail去學
我想大約上了10分鐘已經覺得ankle好攰,
老師非常的注意我已經走哂樣既posture
幾乎每5分鐘執一次
但我仲未改到佢教我既方法,不過比佢執完一刻,鏡入面既我唔同左樣!!!