假期．安全感---->Absent

為假期而喊真的很無謂~
但又真的發生了
anyways,事到如今,已經沒辦法去改變
倒不如括出去
機票已經不能改
那倒不如既來之,則安之
你一定要我返工我都返唔到o架啦
還望各位同事多多幫忙,又要麻煩大家喇

雖然咁講真係好似好大口氣
但....一向返工,為錢既成份真係唔係咁高(當然冇錢又萬萬不能)
如果唔係和同事們一齊真係覺得開心既
一早便會轉到另一間公司去做
每個月高幾千蚊人工,仲要有double pay
賣假係被逼
我發誓呢一世都唔會再賣假
同埋公司入面既所謂自願參與原來從來都唔係自願
好唔鐘意龜婆一句大大聲既:"你賣假我地有比錢你o架!"
我都係人,都需要休息o架
你比錢我係唔係tax free先?
不過,龜婆你真係一野打沈左我
今日我除左因為你而喊,仲要冇上半山老師既堂
另外,cancel埋聽日既appointment
而家好似病埋~
你安樂啦~~~~~~~死龜婆

喊係某程度上因為自小缺乏安全感
幾乎全部假期都冇哂個感覺就係冇哂安全感
睇書都係話冇父母照顧所引致
由細到大都成日有患得患失既感覺
去旅行就算有足夠現金都係會用credit card
成日唔會信人,但有時又會亂信人

所以真係好怕拍拖
怕左自己成日亂咁鬧情緒,而無緣故地喊
曾經有一個男朋友,響我哭得江河缺堤的那一刻
好無奈既捧起我塊面問:"究竟你個小腦袋入面諗緊咩?"

更無奈既係:我諗唔起佢係咩野樣

世外桃源．飯聚

曾經有一個地方令我覺得返工真係好開心
在那兒,返完早的同事會同埋返晏既同事tea完先走
night完既同事又會同埋返早既同事食早餐
Senior既同事又會照顧D Junior既同事
雖然有時會好忙,但忙都係忙得好開心,每日返工就係笑到肚痛

聽到都覺得係世外桃源
有如此的好地方當然會招人妒忌
所以,世外桃源消失了
我地小市民各散東西
現在也不是不開心的,但相對以前的開心,真的是差多了

大家各有各忙的，要約一次飯局一點也不易
所以拆夥至今，５次飯局也未有約到
無他既..大家都忙
有人已經轉投另一間公司,有人轉到另一個部門,有人已經北上工作
終於響一人提議,二人宣揚,叫左一圍12大1細響賽馬會食飯
一直以為賽馬會係要會員先可以黎
但原來一眾草民如我,只要有恆生既白金卡,就會同會員一樣免收加一
滿貫廳地理位置不算方便,但勝在面向馬場,環境開揚
食物我覺得ok,但唔知琴晚一眾食家有什麼comment

多謝~李太請我地食飯
多謝~陳小妹妹帶比我地無限歡樂,雖然我都仲係好驚bb....

溫馨提示:呢度食飯,佢地會請你將電話調教至震機

死亡

我天生很黑
不是皮膚黑,而是命很黑,又或者可以說是我命硬剋死了他們
以我年資,從我手上由病房睡到殮房的人並不算少
一向我都本著宗旨係:病人都係得到解脫既去面對呢件事

但是有天夢到一個年輕血科病人去世
卻久久不能釋懷
夢醒以後,一直擔心明天上班她已經走了(死了)
幸好,她尚在人間,只是精神比之前差多了
好衷心希望佢可以好返
雖然完全康復呢,應該是沒有可能的事
就恢復到上次出院的情況好了
至少沒有嘔,沒有痛....有精神行來行去講笑

加油呀!等你起身寸我o架!!!!